Пожарот во Кочани е локализиран благодарение на професионалноста на пожарникарите, на помошта која стига од целата држава и на солидарноста на граѓаните, објави доцна синоќа премиерот Зоран Заев на Фејсбук.
– Системот функционира, во текот на целиот ден безбедноста на граѓаните ни беше на прво место и до овој момент немаме лица со изгореници. Остануваме со министерот Филипче во Кочани цела ноќ, а во кумановско се веќе вицепремиерот Николовски и министерот Спасовски, наведува Заев во објавата.
Тој упатува благодарност до граѓаните што помагаат, како и до „претставниците на медиумите што известуваат навремено, точно и одговорно“„
– Утре наутро очекуваме помош од соседите, претседателот Пендаровски се слушна со претседателот на Бугарија, Радев, а јас се чув со претседателот на Србија, Вучиќ и со премиерот на Бугарија, Јанев, нагласува Заев.
Тој потенцира дека надлежите органи будно ја следат состојбата, дека нема паника, дека ситуацијата е под контрола, како и дека поголем дел од пожарите се локализирани.
– Апелирам за одговорно споделување точни информации од страна на граѓаните преку социјалните мрежи и преку медиумите. Безбедноста на луѓето на прво место, додава Заев во објавата на Фејсбук-профилот.
ПОВРЗАНИ ВЕСТИ
Нема тешко повредени во пожарите, укажана им е лекарска помош на десетина поради вдишан чад
(ВИДЕО) Кочани гори! Апел за помош!
(Фото) Горат дел од куќите во Белско Маало: Пожар сериозно му се заканува на Кочани
Фото: Општина Кочани