Вчера никој не загина, вчера никој не беше повреден. И тоа е нашиот курс. Дрвјата повторно ќе пораснат, дрвјата пак ќе ни се вратат, загубените човечки живот нема да се вратат никогаш, рече денеска на прес-конференција в.д. директорот на Центарот за управување со кризи (ЦУК), Стојанче Ангелов.
Според Ангелов, фокусот треба да е ставен на луѓето, а потоа на материјалните добра.
-Нека гори се, само сите да се живи и здрави. Затоа како ЦУК целосно ќе бидеме фокусирани на луѓето, а потоа на материјалните добра. Изгорени се само два покриви на куќи, неколку возила, но најважно е што нема жртви. Дрвјата ќе пораснат повторно, крововите ќе се санираат, но човечкиот живот нема да се врати, рече Ангелов.
ПОВРЗАНИ ВЕСТИ
Нема да има прогласување кризна состојба поради пожарите
Тој додаде дека нема потреба од прогласување на кризна состојба во одредени делови од земјата, но дека ситуацијата се следи и дека ако има потреба, веднаш ќе биде прогласена кризна состојба.
На температури повисоки од 37 степени, како што рече Ангелов, не е безбедно летањето на хеликоптер. Едноставно, посочи тој, ги загрозуваме животите на посадата.
-Пред некоку дена при гаснење на пожар дојде до прегревање на хеликоптерот и опасност за посадата. Благодарение на храброста на пилотите и нивниот командант, хеликоптерот мораше да се крене на висина од 2.000 метри за да се излади и да може безбедно да се врати во база, рече директорот на ЦУК.
Тој посочи дека не само македонските, и српските хеликоптери кои ќе пристигнат не можат да летаат на овие пеколни температури.
ПОВРЗАНИ ВЕСТИ
(Фото) Србија повторно прва напомош: Во Македонија пристигнаа 4 хеликоптери за гаснење на пожарите
-Вчера во текот на попладневните часови кога темпратурата на воздухот се намали за пет, четири степени, командатот веднаш даде наредба и го упати хеликоптерот во Нагоричани. Кога во доцните попладневни часови пожарот во Кочани стана исклучително опасен и дојде до самите куќи, побарав од командантот веднаш да го пренасочи хеликоптерот од Нагоричани во Кочани, но хеликоптерот дејствуваше долго време и неговото гориво беше доволно да отиде до Кочани и да се врати. Едноставно немаше доволно гориво, додаде Ангелов.
ПОВРЗАНИ ВЕСТИ
(ВИДЕО) Кочани гори! Апел за помош!
Како што рече, се работи за машина која што има лимити.
-Јас сум горд затоа што ние како држава, ние како ЦУК и останатите субјекти на системот за управување на ЦУК во текот на вчерашниот ден спасивме човечки животи, додаде тој.
Во однос на информациите дека пожарот којшто во Кочани беснееше пред пет, шест дена не бил изгаснат и повторно се разгорел, според Ангелов, се работи за невистина.
Тој појасни дека вчера во Кочани се појави сосема нов пожар на сосема друга локација на претходната, од сосема друга причина. Како што рече, најверојатно причина е спој на жици на далноводи или бандери, но МВР работи на откривање на точните причини.
Ангелов додаде дека новиот пожар по појавата бил контролиран, и се ширел споро, но имало ветер што е нетипичен за овој период од годината и кој што почнал со голема брзина да го шири пожарот.
-Исклучително сувата вегетација поради исклучително високите темпертури коишто се вообичени за овој период од годината придонела пожарот со голема брзина да се рашири во неколку различни правци.
Во моментот кога ситуацијата стана сериозна од страна на градоначалникот од мене беше побарано употреба на хелихоптер. За жал, хеликоптерот веќе се наоѓаше во Старо Нагоричани каде што беснееше еден друг голем пожар којшто денеска е уште повеќе проширен, рече Ангелов.
Тој напомена дека пожарот во Нагоричене загрозил повеќе кукќи од некоку села од разбиен тип и претставувал ризик за граѓаните.
Поради тоа, како што рече, хеликоптерот дејствувал на тој терен што е тешко пристапен за цистерните и за другите возила кои можат да помогнат во гаснењето.
-Како држава имаме ограничени ресурси. Ние тоа мораме да го сфатиме, треба да работиме на зголемување на нашите капацитети, но нашите капацитети се тие со години, па би рекол со децении наназад, рече Ангелов.
Тој посочи дека хеликоптерот продолжил да дејствува во Старо Нагоричане, додека во Кочани се обиделе да ангажираат максимум припадници, односно субјекти на системот за управување со криза.
Ангелов посочи оти дезинформацијата дека ЦУК не презел ништо, целосно е неточна.
-Во раните утрински часови на вчерашниот ден беше ангажиран хеликоптер по барање на ЦУК, во 6 часот наутро хеликоптерот беше полетан кон Нагоричани. Веднаш потоа продолживме со координација со сите останати субјекти на системот за управување со криза.
Без разлика дали сум во Крушево, во Скопје, во Кочани или во Нагоричани состојбата е иста. Мене ми треба телефон мојата екипа од ЦУК која што вчера машки изработи на терен, не само раководителите од повисоките ешалони, туку и сите вработени во ЦУК коишто постојано цело време беа на терен и останаа во текот на ноќта на терен за да добиваме свежи информации во секој момент, посочи Ангелов.
ПОВРЗАНИ ВЕСТИ
Трите хеликоптери на македонската Армија можат да летаат ноќно време, но не и да гасат пожар
МИА/Фото: МИА