Микробиологот д-р Никола Пановски за Канал 5 вели дека треба да се укине неодамнешната одлука за отварање на ноќните клубови и да им се забрани да организираат забави до Нова година.
– Ноќните клубови се практично биолошки бомби за ширење на коронавирусот. Младите луѓе можеби нема да се заразат, но голема е веројатноста болеста да ја донесат дома и да се заразат повозрасни луѓе.
Исто така, сметам дека треба сите луѓе во затворен простор да носат заштитни маски.
Освен во продавници и во трговски центри, луѓето кои влегуваат во разни други установи одбиваат да стават маска на лицето. Тие сметаат дека членови на една иста фамилија и дека нема потреба да носат заштитни маски, а всушност тие луѓе ја шират болеста.
Затоа, апелирам до луѓето да не се групираат, а ако веќе мора да се групираат, тогаш да носат заштитни маски и да држат дистанца, вели Пановски.
ПОВРЗАНИ ВЕСТИ