Сега е моментот кој треба Македонија да го искористи за прифаќање на европскиот предлог, што понатаму значи и одржување на првата меѓувладина конференција и почеток на преговорите за членство во ЕУ.
Ова било констатирано на денешната средба на премиерот Димитар Ковачевски и претседателката на Европската комисија, Урсула фон дер Лајен.
Како што информира владината прес-служба, на средбата Ковачевски и Урсула фон дер Лајен разговарале за најважните прашања поврзани со проширувањето на Европската Унија.
-Она што беше нотирано од страна на претседателката на Европската Комисија Урсула фон дер Лајен е дека местото на С Македонија и Западен Балкан е во Европската Унија и тоа е единствениот пат кој води кон подобра иднина за сегашните и идните генерации, стои во соопштението.
Ковачевски и Фон дер Лајен уште еднаш потенцирале дека со европскиот предлог не се загрозува на ниту еден начин идентитетот, културата, историјата и македонскиот јазик.
На средбата било дискутирано дека во контекст на новите геополитички околности многу е значајно деблокирањето на евроинтеграцискиот процес и почетокот на преговорите за нашето членство во Европската Унија, што е важно за целокупниот напредок на Македонија.
Владината прес-служба информира дека на средбата било истакнато дека одлуките кои се носат сега ја гарантираат иднината на земјата и затоа се потребни мудри и државнички потези кои водат кон просперитет, развој на демократските вредности и севкупен економски напредок.
ПОВРЗАНИ ВЕСТИ
По Османи, Фон дер Лајен се сретна и со Пендаровски
Османи во Скопје се сретна со Фон дер Лајен
Фото: Влада