Фруктал Мак АД Скопје за период од јануари-јуни 2022 година оствари позитивен финансиски резултат прикажан во поединечниот неревидиран Биланс на успех, соопштија од компанијата преку Македонската берза.
“Вкупните оперативни приходи изнесуваат 271.901 илјади денари. Во споредба со остварените вкупни приходи од минатата година за истиот период (233.163 илјади денари), истите бележат зголемување.
Вкупните приходи изнесуваат 266.885 илјади денари и бележат зголемување.
Финансиските приходи изнесуваат 72 илјади денари и се намалени во однос на минатата година.
Оперативните расходи за период од 01.01-30.06 2022 година изнесуваат 224.951 илјади денари и бележат зголемување во однос на истиот период минатата година (200.483 илјади денари).
Финансиските расходи изнесуваат 786 илјади денари и се намалени во однос на минатата година.
Остварената нето добивка за периодот 01.01-30.06 2022 година изнесува 41.644 илјади наспроти остварената добивка од 16.763 илјади денари за истиот период претходната година“, велат од компанијата.