Во однос на објектот „Рехабилитација на Регионален пат Р1102, делница Велес – Градско“, Автомото сојузот на Македонија (АМСМ) информира дека поради асфалтирање, од денеска до 8 јули годинава, ќе биде затворена за сообраќај селницата Велес – Градско (во н.м. Градско) во периодот од 08:00 – 18:00 часот.
Од АМСМ потсетуваат дека од 1 јули до 31 август на државните патишта во Македонија се воведува летен времен режим на сообраќај, со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.