(Видео) Касами не само што не се извини и огради, туку си објави и видео на кое се потенцира знамето со карта од „Голема Албанија“

Реакциите по повод посетата на косовскиот премиер Албин Курти на Тетово, не стивнуваат, а од друга страна домаќинот, тетовскиот градоначалник Билал Касами, не само што не се огради од знамето со карта на „Голема Албанија“, туку си направи и спот во кој што кадри од ова знаме се повторуваат повеќе пати.

Спотот е објавен на неговиот Фејсбук профил.

Владата и претседателот Стево Пендаровски реагираа на иконографијата на музичката манифестација на која се вееја албански знамиња, а македонското знаме никаде не беше истакнато, а ниту беше интонирана и македонската химна.

Реакции пристигнаа и од соседна Србија и Косово, од каде што беше истакнато дека со знамето на картата од „Голема Албанија“ се вршат територијални претензии кон повеќе земји од Балканот, и посетата на Курти ја оценија како „безобразлук“ и „скандал над скандалите“.

ПОВРЗАНИ ВЕСТИ

Курти крева духови на немир во Македонија и на југот на Србија, вели Вучиќ и посетата ја оценува како „скандал над скандалите“

Промоција на великодржавни шовинистички идеи претставува разгорување на етничка омраза, реагира Пендаровски на провокативната иконографија во чест на Курти

Касами, Меџити и Гаши не се оградија од знамето со карта на „Голема Албанија“ кое се вееше во Тетово

Фото/Видео: Фејсбук/Касами