Откако лидерот на владејачката ДУИ, Али Ахмети изјави дека имало тајни средби со поранешниот премиер и лидер на ВМРО-ДПМНЕ, Никола Груевски и поранешниот премиер и лидер на СДСМ, Зоран Заев, денеска од партија дообјаснуваат што сакал да каже Ахмети.
ПОВРЗАНИ ВЕСТИ
Заев, Груевски и Ахмети имале тајни средби за измените на Кривичниот законик, тврди лидерот на ДУИ
Од таму велат дека Ахмети зборувал за преговарачкиот процес во Пржино и средбите со Заев и Груевски на тема надминување на состојбите преку процесот на вистината и помирувањето.
-На овие средби на лидерите во Клубот на пратеници, кои се одржани со знаење на меѓународната заедница и партиските раководства, беше формирана работна група во состав: Оливер Спасовски, Никола Тодоров и Артан Груби, велат од партијата.
Од таму тврдат дека измените во Кривичниот законик првично биле побарани од страна на ВМРО-ДПМЕ пред уставните измени за Договорот од Преспа.
-Потоа, Кривичниот законик беше барање и на новиот претседател на ВМРО- ДПМНЕ, Христијан Мицкоски на лидерските и билатералните средби, но по неговото оддалечување од поранешното раководство на ВМРО- ДПМНЕ и покрај согласувањето на СДСМ, тој се повлече од ова барање, тврдат од партијата.
ПОВРЗАНИ ВЕСТИ
Не сум учествувал на никакви тајни средби: Груевски го демантира Ахмети
Заев вели дека Ахмети лаже за тајните средби со Груевски за измените на Кривичниот законик
Фото: ДУИ