Од страна на Судскиот совет денеска за нов претседател на Основен граѓански суд Скопје е избран судијата Бесник Авдија. Тој беше единствениот кандидат за оваа позиција.
За претседател на Основен суд Неготино пак е избрана судијката Билјана Толова, која исто така беше единствен кандидат.
За претседател на Основен суд Кичево е избран судијата Футурије Дервиши, кој имаше конкуренција од други двајца кандидати, Амдије Зенгул и Билјана Кижевска.
За претседател на Основен суд Крива Паланка е избран судијата Орце Јанковски, кој исто така немаше конкуренција, а за претседател на Основниот суд во Штип е избран судијата Ацо Тасев.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.