Македонските граѓани рано утрово почнаа со коментари околу вчерашните резултати на референдумот на кој убедливо мнозинство од над 660.000 лица кои излегоа на гласање дадоа поддршка за зачленување во ЕУ и НАТО и прифаќање на Договорот со Грција за промена на името на земјава во Република Северна Македонија.
Премиерот Зоран Заев веќе се изјасни дека оваа бројка за него е доволен сигнал дека не треба да даде оставка и дека ќе продолжи да бара поддршка за довогорот односно за уставните измени во Собранието. Тој порача и дека доколку нема дво-третинско мнозинство пратеници е подготвен да излезе на предвремени парламентарни избори уште во ноември, годинава.
Со тоа, Заев покажа дека не се плаши од избори и дека верува дека мнозинството граѓани ќе му дадат повторна поддршка да формира Влада, што автоматски би значело и ново мнозинство во парламентот. Доколку победи на избори, Заев би имал отворен пат за спроведување на предвидените уставни измени.
Спротивно на Заев, лидерот на ВМРО-ДПМНЕ Христијан Мицкоски вчера избегна да даде директен одговор на прашањето дали е подготвен за избори иако тој порача дека е време Заев да замине во политичка пензија. Тој меѓудругото побара пратениците да ја прифатат пораката од народот односно од „неуспешниот референдум“ и да не ги гласаат уставните измени.
Очигледно е дека Мицкоски се плаши од избори, а тоа е разбирливо со оглед на неговиот релативен низок рејтинг меѓу гласачите. Останува нејасно, каква е тактиката на Мицкоски доколку навистина не се обезбеди дво-третинско мнозинство во Собранието и заради тоа бидат распишани избори.
Се наметнува прашањето дали тој е подготвен да ги бојкотира и изборите како што го бојкотираше референдумот?
Фото: Влада