Претставата „Свет без жени“ на авторките Олга Димитријевиќ и Маја Пелевиќ, ќе биде изведена на 16. мај на Академската сцена на Факултетот за драмски уметности во Скопје со почеток во 20 часот.
Претставата ја освои наградата од публиката на Фестивалот БИТЕФ во 2022 година.
По изведбата, во рамки на дискурзивната платформа на Локомотива и Тиииит! Инк. – Дијалогот што недостасува, ќе следи разговор со авторките модериран од Калиа Димитрова од Медуза.
Влезот е слободен. Поради ограничениот број седишта, доколку сакате да го осигурате своето место, ве молиме да направите резервација на [email protected].
Жените и работата – тоа е главниот мотив на проектот Свет без жени. Авторките тргнуваат од истражувањето за структурните нееднаквости во театарот во Србија: родова нееднаквост, нееднаквост во плати, нормализирано насилство, репродукција на патријархални капиталистички матрици.
Истражувањето ги отвора прашањата: кој има право на работа, под кои услови и колку треба да биде/ат платен/а/и? Претставата ги пропрашува размерите на ангажираната уметност денес и љубовта (кон уметноста) како најподмолен извор на социјална репресија.
Промотивна објава