Штетата од пожарите кои беснееа во Македонија во јули, август и септември е проценета на пет милијарди денари, изјави Кире Михаилов, заменик генералниот директор на Национални шуми за „Топ тема“ на ТВ Телма.
Тој кажа дека во тој период имало 2.000 пожари, а штетата изразена во пари според него е минорна во однос на симбиозата на растенија, микроорганизми, животински и растителен свет.
-Некои шуми беа и над 100 години, некои 50-тина, изгореа 600.000 кубни метри дрвна маса.
Ние сега дојдовме на нула, дури под нула. Сега доколку во нормални услови се бориме да се врати она како што треба, можеби некаде би требале 50-тина години, некаде дури и векови.
Се зависи за која територија станува збор и какви дрвни видови имало таму или треба да ги има. Автохтони збориме“, нагласи тој.
Фото: Игор Бансколиев