Доналд Трамп, од вчера по вторпат стана претседател на САД. Како кандидат на Републиканската партија, тој е вториот американски претседател во историјата на земјата на кој му успеало тоа, по Гровер Кливленд во 1890 година.
ПОВРЗАНИ ВЕСТИ
Трамп и официјално стана 47. претседател на САД
Тој стана и најстариот американски претседател, кој на денот кога e инаугуриран има 78 години, но и првиот претседател кој дојде на оваа функција како осудено лице.
Трамп лани беше осуден поради фалсификување деловни досиеја за замолчување на порно ѕвездата Сторми Даниелс, иако за тоа не доби казна.
Кој е Трамп?
Роден е на 14. јуни 1946 година во Њујорк, САД.
Тој е четврто дете на Фред Трамп и Мери Ен Меклеод. Татко му се збогатил градејќи станови за припадниците на средната класа долж источниот брег на САД, а мајка му се грижела за децата и вршела хуманитарна работа.
Образование и кариера
Доналд дипломирал на Воената академија во Њујорк, подоцна студирал и на Универзитетот Фордам, а потоа се префрлил на Универзитетот во Пенсилванија, каде што се стекнал со диплома по економија.
По завршувањето на училиштето, со татко му работел на станбени проекти, а кога ја презел целата компанија, ја преименувал во организација Трамп и дури шестпати поднел барање за стечај.
За да го зајакне семејниот бизнис, продолжил да гради казина, станови, терени за голф и хотели.
Освен во градежништвото, тој беше сопственик и на лиценците за изборите за убавина Мис Универзум, Мис САД и Мис Тинејџер САД.
На NBC го водеше популарното шоу „The Apprentice“, во кое кандидатите се натпреваруваа за договор во неговата деловна империја, а се појавил и во голем број серии и филмови.
ПОВРЗАНИ ВЕСТИ
Три брака и влез во политика
Трамп се женеше трипати и има пет деца.
Сегашната сопруга на Трамп е поранешната словенечка манекенка Меланија Кнаус.
Во политиката влезе во 1999 година, кога за првпат објави дека сака да биде американски претседател.
Во 2011 година во неколку наврати се споменуваше дека ќе му се спротивстави на тогашниот претседател Барак Обама, но тоа не се случи.
Во 2015 година по вторпат официјално ја објави својата кандидатура. Тогаш ја освои и републиканската номинација.
Во ноември 2016 година за првпат стана претседател на САД.
Трамп во 2022 година објави дека сака повторно да биде претседател, и покрај фактот што во тој период се соочуваше со 91 обвинение во четири кривични случаи.
Лани преживеа и два обиди за атентат.
ПОВРЗАНИ ВЕСТИ
Доналд Трамп побогат за повеќе од 1 милијарда долари, откако повторно стана претседател на САД
Колкава плата ќе има Доналд Трамп, новиот претседател на САД
Фото: Трамп/Фејсбук