Македонскиот премиер Христијан Мицкоски денеска изјави дека има лично разбирање за најавениот бојкот на 31. јануари на маркетите поради високите цени во Македонија, кој следи по успешниот во Хрватска и најавените во Босна и Херцеговина и Црна Гора.
ПОВРЗАНИ ВЕСТИ
И во Македонија во петок ќе има бојкот на маркети?
-Имам лично разбирање за оваа акција на граѓаните и тука не треба да имаме никаква дилема, бидејќи од самиот почеток зборувам за однесувањето на поединци во овој бизнис и дека на шпекулативен начин се обидуваат да генерираат високи профити.
Институциите, пазарните инспекторати ја следат ситуацијата и навремено реагираат, рече Мицкоски.
И од неговата партија преку соопштение информираа дека ја поддржува иницијативата за бојкот на маркетите.
-Сигурни сме дека институциите активно ќе се спротивстават на забеганоста на дел од маркетите и состојбата во која без никаков индикатор кој предизвикува инфлација тие нечовечно да ги зголемуваат цените и да учествуваат директно во зголемување на сиромаштијата, богатејќи се на грбот на граѓаните преку уцена и монопол и општествено неодговорен однос.
Истовремено за очекување е владата да подготви сет на мерки како за контрола на растот на цените, да ги истражи овие однесувања на маркетите, дали низ годините наназад до денес правеле злоупотреби, даночни ескивирања или други прекршувања на законите и истовремено да ја засили контролата врз нивната работа. Ова дивеење на маркетите мора да престане, велат од ВМРО-ДПМНЕ.
Од партијата додаваат и дека нема никаква економска причина надвор од своеволноста на трговците, која тоа го оправдува освен голиот профит на грбот на граѓаните.
ПОВРЗАНИ ВЕСТИ
За еден ден група на Фејсбук која повикува на бојкот на маркетите има над 600 членови
Подршка за бојкот на маркети и од Организацијата на потрошувачи на Македонија
Фото: Унсплеш