Синоќа во организација на движењето „Македонија блокира“ се протестираше пред домот на пратеникот Крсто Мукоски во Вевчани, обвинет за случувањата од 27.април во македонското Собрание, а кој неодамна излезе од домашен притвор и гласаше за старт на процедурата за промена на Уставот, со кои Македонија ќе се преименува во Северна Македонија.
Учесниците на протестот дојдоа со свеќи и пееја патриотски песни, меѓу кои и „Едно име имаме“ и побараа од Мукоски да не го менува името на државата.
Како што пренесуваат локалните медиуми на протестот имало и жители на Вевчани.
Мукоски ги пречека демонстрантите, а дел од нив влегоа и во неговиот дом.
За сабота од „Македонија блокира“ најавија протести и пред домовите на пратениците Сашо Василевски и Љубен Арнаудов, кои како и Мукоски се обвинети за истиот случај, а беа пуштени од домашен притвор во ист период, и кои истот така гласаа за старт на процедурата за цпромена на Уставот.
Видео: А1он/фото: Фејсбук/Мукоски