Речиси половина милион евра беа доделени на пет здравствени установи за набавка на медицинска опрема и реновирање, информираше денеска министерот за здравство Венко Филипче кој заедно со амбасадорката на Јапонија, Кеико Ханеда, и заменик-претседателот на Владата задолжен за европски прашања Бујар Османи, денеска посетија неколку здравствени установи.
Покрај Клиниката за дигестивна хирургија, со Програмата на јапонската влада „Грант – помош за поддршка на мали проекти за човекова безбедност“ се опфатени и Клиниката за гинекологија и акушерство и Институтот за белодробни заболувања кај децата – Козле.
Османи информираше дека од осамостојувањето на нашата држава, Јапонија има обезбедено голема поддршка преку официјалната развојна помош во повеќе значајни сектори, клучни за постигнување на нашите реформски процеси и стратешки цели како здравство, образование, развој на локалните заедници во износ над 420 милиони евра.
Фото: Министерство за здравство