Мостот „Генерал Михајло Апостолски“ кој ги поврзува скопските општини Аеродром и Гази Баба, наскоро ќе биде пуштен во функција, информираше градоначалникот на Град Скопје, Орце Ѓорѓиевски.
Завршени се експропријациите, кои беа најголемата пречка и со години го кочеа пуштањето на мостот во употреба.
-Сега следува воспоставување целосен и функционален сообраќаен проток, по наредните 60 дена од започнувањето на подготвителните активности, средувањето на потребната документација и процесот на преселување на луѓето кои живеат во објектите на трасата, информираше тој на Фејсбук.
Фото: Град Скопје
