Македонската амбасадорка во Софија била повикана во бугарското МНР за палењето на автомобилите на бугарската Амбасада

Македонската в.д. амбасадорка во Бугарија, Агнеза Руси Поповска, вчера била повикана во бугарското Министерство за надворешни работи (МНР) за инцидентот со палењето на автомобилите на бугарската Амбасада во Скопје.

За тоа информираа од бугарското МНР, од каде инцидентот го отценија како “демонстративен чин на агресија без преседан во билатералните односи меѓу двете земји“.

Од таму потенцираа и дека со инцидентот биле доведени во опасност здравјето и животите на вработените во бугарската Амбасада, како и на граѓаните што во моментот на инцидентот се наоѓале во близина.

Бугарија очекува ефикасна истрага и соодветна судска разрешница за случајот.

ПОВРЗАНИ ВЕСТИ

8-дневен притвор за осомничениот за палењето на автомобилте на бугарската Амбасада

Осомничениот за палењето на автомобилите на бугарската Амбасада наполнил бензин во пластично шише од бензинска во близина: Детали од Обвинителството

Путин му е идол, а возилата на бугарската Амбасада ги запалил оти биле паркирани непрописно: „Слободен печат“ со нови детали за осомничениот

Фото: бугарско МНР