Државната комисија за спречување на корупција (ДКСК) ќе иницира прекршочни постапки за градоначалниците на Општина Гази Баба и на Општина Штип за прекршување на Изборниот законик и на Законот за спречување на корупцијата и судир на интереси.
На денешната седница на Комисијата делумно беше прифатен приговорот од ВМРО – ДПМНЕ за договорот склучен од страна на градоначалникот на Општина Гази Баба, Борис Георгиевски со Агенција за обезбедување имот и лица во вредност од четири милиони денари, за физичко и патролно обезбедување на 11 основни училишта и две детски градинки.
За склучениот договор, утврди ДКСК, се работи за финансиски средства предвидени во годишните јавни набавки, меѓутоа спорно е соопштението објавено за настанот од страна на општината и објавено во неколку медиуми, за што и ќе се иницира прекршочната постапка.
Прекршочната постапка против градоначалникот на Штип, Благоја Бочварски е во врска со дистрибуција на дрва за огрев на четири социјално загрозени семејства и за Ј.П „Исар“, со помош на ЈП.„Македонија пат“ и „Македонски шуми“, како и ТТПЕ.
ДКСК го отфрли приговорот од ВМРО – ДПМНЕ против в.д. градоначалник на Општина Ново Село за вработување 10 општи комунални работници на определено време од 30 дена.
МИА
ПОВРЗАНИ ВЕСТИ
За Антикорупциска исплатата на долгот кон лозарите е незаконска