Во текот на 2018 година Управниот одбор на Охридска банка претрпе измени во составот и се прошири за уште еден член, информираат од Банката во годишниот извештај, објавен преку Македонската берза.
„Имено, на седницата одржана на ден 15 февруари 2018 година, Надзорниот одбор донесе Одлука за именување на Нина Неданоска за член на Управниот одбор на Охридска банка АД Скопје, одговорна за работата на секторот Комерција, а нејзиниот мандат започна со добивањето претходна согласност од гувернерот на Народната банка на Република Македонија за период од 4 години, почнуваќи од 18 април 2018 година.
Почнувајќи од 18 април 2018 година, Управниот одбор на Охридска банка работи во следниот состав: Бранка Павловиќ, претседател и член на Управниот одбор, Никола Миткоски, член на Управниот одбор и одговорен за Секторот за управување со ризици, Тома Пувро, член на Управниот одбор и одговорен за секторот Операции, Нина Неданоска, член на Управниот одбор и одговорна за секторот Комерција“, велат од Банката.
ПОВРЗАНИ ВЕСТИ
Кои се членовите на Надзорниот одбор на Охридска банка
Колкави се платите и надоместоците на менаџментот на Охридска банка
Колкави се надоместоците на членовите на Надзорниот одбор на Охридска банка