На 01.06.2019 околу 11.00 часот пријавено е дека во Скопје на ул.“Кемал Сејфула“ спроти поликлиника “Чаир“, при вршење ископ на земјиште за водоводна мрежа со багер управуван од А. М. (55) од Скопје, дошло до лизгање на земјиште и притоа затрупани биле три лица што работеле на ископот.
„На местото на настанот биле испратени две екипи од Итна медицинска помош и екипа од Бригадата за против пожарна заштита.
А. М. (26) и М. М. (28) починале на местото на настанот, додека Е. А. (55) од Скопје со возило на итна медицинска помош е пренесен за укажување лекарска помош во ГОБ “Наум Охридски“.
Смртта на починатите ја констатирал доктор од ИМП. За настанот известени се дежурен Јавен обвинител и дежурен трудов инспектор“, информираат од МВР.
ПОВРЗАНИ ВЕСТИ
Општина Чаир: Нема дозвола за ископ на земјиште на местото каде што загинаа двајца работници
Детали за несреќата во Чаир: И таткото на загинатите браќа бил на местото каде се вршел ископот