Изминатите две и пол години од судењето за случајот „Тортура“ паѓаат во вода, а судењето ќе започне од почеток, бидејќи еден од поротниците си дал отказ, пренесува Телма.
Тоа значи дека одново ќе се викнат сите сведоци и ќе се изведат сите докази.
Денешното рочиште се одложи за 22. октомври поради болест на судијката Александра Ристевска.
Предметот се наоѓа во доказна постапка и го води судијката Добрила Кацарска, а застапник на обвинението е Љубомир Лапе.
Судењето за начинот на апсењето на Љубе Бошкоски во 2011 година „Тортура” на Специјалното јавно обвинителство (СЈО) се наоѓа во доказна постапка и го води судијката Ристевска, а застапник на обвинението е Љубомир Лапе.
Во „Тортура“ заедно со Сашо Мијалков се обвинети и поранешниот прв човек на единицата „Алфи” Ивица Антевски-Пуки и уште петмина припадници на единицата.
СЈО ги гони за мачење и друго сурово, нечовечко или понижувачко постапување и казнување, за начинот на лишување од слобода на лидерот на Обединети за Македонија и поранешен министер за внатрешни работи Љубе Бошкоски, на 6 јуни 2011 година, ден по предвремените парламентарни избори.