А1 Македонија најавува воведување на најновата ИКТ услуга – Offensity која им помага на компаниите да ги идентификуваат слабостите и безбедносните пропусти во нивната јавна интернет инфраструктура и преку добиените извештаи и потребни информации истите и да ги отстранат.
Offensity претставува автоматизирано решение за откривање на потенцијални слабости во инфраструктурата на компаниите и дава можност на корисникот да ја види целосната слика за ранливоста на целата ИТ околина што напаѓачот (хакер) би можел да ја искористи за планирање и спроведување на хакерски напад.
Offensity редовно ја скенира јавната интернет инфраструктура на корисникот и ги детектира и дава извештаи за сите идентификувани ризици, и вклучува скенирање на ранливоста на мрежата и на Web апликациите, безбедност на ДНС (Domain Name System), протекување податоци, проверка доколку системите се појавуваат на црните листи и друго.
Покрај тоа, Offensity исто така мониторира податоци од безбедносен карактер (е-мејл, кориснички имиња, лозинки и сл.) кои се поврзани со корисничките домени, а се достапни на интернет.
Услугата дава извештаи за идентификуваните ризици, нивна класификација според нивото на ризикот (од ниско-ризични до критични), и исто така дава потребни информации за отстранување на ризиците бидејќи услугата самата не ги отстранува идентификуваните ризици и ранливости.
Offensity, услугата која е развиена во рамките на А1 Телеком Австрија Групацијата и е широко прифатена од компаниите во европските земји е уште еден доказ за посветеноста на А1 ТАГ кон креирање и обезбедување на продукти кои овозможуваат зголемена безбедност на инфраструкурата на компаниите.
Повеќе информации можете да најдете на www.a1.mk.