Претседателот на Собранието, Талат Џафери ја врати на корекција интерпелацијата што ја поднесе Левица против него, бидејќи, според партијата, собранискиот спикер го прекршил Уставот, зборувајќи на албански јазик во Европскиот парламент.
Џафери ја вратил интерпелацијата, бидејќи документот не бил поднесен со уставното име на земјава.
Тој се повикува на членот 136 од Деловникот на Собранието и позитивното право и бара интерпелацијата да се корегира во рок од 15 дена.
„Спикерот Талат Џафери нема храброст да се соочи со пратениците и ја враќа интерпелацијата против него! Член 136 кој тука е наведен, се однесува на општи прекршувања на Деловникот. Џафери нема наведено ништо конкретно зошто интерпелацијата е вратена.
Подолу дури изигрува обвинител и Уставен суд, па суди што било во согласност со позитивното право на РМ, а што не. Иако тоа не е негова работа. И секако, продолжува со дискриминација на пратениците (не) Албанци форсирајќи двојазични документи по секоја цена. Оти му се може.
А премиерот со прстот во уста. Битно парата се врти, напиша пратеникот од Левица, Борислав Крмов на Фејсбук.
Од Левица најавија и тужба против Џафери за враќање на интерпелацијата.
ПОВРЗАНИ ВЕСТИ
Интерпелацијата за Џафери – школски пример кога етничкото е пред Уставот и законите
Левица и ВМРО-ДПМНЕ поднесоа интерпелација за Џафери поради повреда на Уставот
Фото: Собрание