Претседателот на Сојуз на Роми, Амди Бајрам и поранешен пратеник, организирал свадба за внуката Перјан синоќа во Истанбул пишува „Фокус“. На Бајрам му пропаднал обидот свадбата кај нас да ја организира на 11. октомври поради ковид-мерките.
Свадбената веселба се одржала на брод со 600 гости. За него, според пишувањата на „Фокус“ најважно било тоа што ем има свадба, ем не ги прекршил законите во земјата.
„Имаме 370 гости од Македонија и 230 гости од Турција. Имам доста турски политичари овде, од кај претседателот Ердоган, од политичкиот врв, од кај нас политичари нема на забавата. Се забавуваме на брод на Босфор, атмосферата е прекрасна.
Се организиравме за кратко време со помош на пријателите на Ердоган. Кога ќе се вратиме назад, ќе споделиме фотографии и снимки од овој убав настан,“ изјави Бајрам за „Фокус“.
Фото: 1ТВ