На денешната прес конференција, министерот за здравство, Венко Филипче посочи дека со прележување на Ковид-19 или со една доза на вакцина не се создава доволна количина на антитела во организмот, па затоа е неопходно граѓаните да се вакцинираат, посочувајќи дека има сосема доволно количини на вакцини во земјава.
-Граѓаните да се вакцинираат, да живееме нормално, а тоа може доколку сме максимално имунизирани, и тоа е единствениот начин да се стекне колективен имунитет.
Не може имунитет да се стекне со прележан Ковид-19, и не е доволно да сте вакцинирани после прележување само со една доза. Нема доказ дека создава голема количина на имунитет.
Единствен начин да се стекне колективен имунитет, е во уште поголем процент да се вакцинираме, и тоа со две дози, рече Филипче.
ПОВРЗАНИ ВЕСТИ
Под 10% од хоспитализираните со Ковид-19 се целосно вакцинирани
Министерот рече и дека делта сојот е сој кој што е очигледно доминантен и пообрзо се шири, меѓутоа сè уште не е истражено дали истиот дава потешка слика на Ковид-19.
– Вакцината е ефикасна за сите соеви на вирусите. Нешто помалку за делта сојот, бидејќи е развивана за алфа сојот, меѓутоа, сосем доволно, 70-80 проценти да заштити од болест и тоа што е најважно, без разлика која вакцина, за 20 пати го намалува ризикот од смрт од Ковид-19, предизвикан од делта сојот на коронавирусот, рече Филипче.
ПОВРЗАНИ ВЕСТИ
Фото: МЗ