Artefact Records, дискографска куќа за хаус музика со седиште во Скопје, со задоволство ве поканува на специјална прослава по повод својот 14. роденден.
Во сабота, 7. декември, Artefact ќе организира музичка вечер во ноќниот клуб Епицентар, со настапи од еден од редовните артисти на етикетата, Алек Солтиров, и основачот на Артефакт, Кристијан ХСС.
Прославата ќе започне со ексклузивно пред-загревање во Макка Бар, каде што Mvrik и Christian HSS ќе ја подготват атмосферата за главниот настан.
Од своето основање во 2010 година, Artefact Records е на глобалната музичка сцената, со над 80 изданија и каталог кој брои повеќе од 250 траки. Од deep house, tech house, funky house, па до minimal house, етикетата соработувала со над 40 талентирани артисти од целиот свет.
Името Artefact ја одразува суштината на етикетата: создавање музика која е обликувана со страст, инспирирана од човечката креативност и збогатена со културни влијанија, како од Скопје, така и од глобалната сцена.
Како дел од оваа јубилејна прослава е и издавањето на специјална тритриделна компилација со 13 оригинални траки кои ја отелотворуваат разновидната и жива енергија на Artefact Records.
Ова издание ги обединува уникатните звуци на веќе афирмираните имиња и новите ѕвезди на хаус музичката сцена, прикажувајќи ја богатата текстура на стиловите по кои е позната нашата куќа.
Компилацијата е веќе достапна на сите главни дигитални платформи за стриминг и превземање на музика.
За време на настанот ќе бидат достапни бесплатни маици и налепници.
Овие ексклузивни предмети се знак на благодарност за сите фанови кои ја поддржуваа етикетата во изминативе 14 години и при продолжуваат да ја инспирираат нејзината мисија да ги промовира новите млади таленти од Македонија и регионот кои издаваат електронската музика.
Во сабота ве покануваме на двоен настан. Почнете ја вечерта во Макка Бар од 21:00 часот, каде што Mvrik и Christian HSS ќе создадат интимна и пријатна атмосфера. Потоа, преминете во ноќниот клуб Епицентар, каде што Алек Солтиров и Кристијан ХСС ќе го освојат подиумот со најдобрата хаус музика која ја дефинира глобалниот звук на Artefact. Не ја пропуштајте оваа ексклузивна вечер на скопската клубска сцена
Детали за настанот:
Датум: Сабота, 7. декември 2024
Пред-загревање: Макка Бaр, 21:30 часот
Главен настан: ноќен клуб Епицентар, 00:30 часот
ДЈ сетови: Мврик, Алек Солтиров, Кристијан ХСС
Специјално: Бесплатни маици и налепници за време на настанот!
За повеќе информации, посетете ја нашата веб-страница или следете го Artefact Records на социјалните мрежи (beatport.com, traxsource.com, instagram.com, facebook.com).
Промотивна објава