еМагазин
Image default
Бизнис

Бензините поскапуваат за половина денар, цената на дизелот останува непроменета

За половина денар се зголемува малопродажната цена на бензините, а на дизелот и екстра лесното масло за домаќинства останува непроменета.

Според одлуката на Регулаторната комисија за енергетика, новата цена на Еуросупер БС 95 од ноќеска на полноќ ќе изнесува 67 денари за литар, на Еуросупер БС 98 ќе биде 69 денари. Дизелот ќе продолжи да се продава по 61 денари, а екстра лесното масло за домаќинство по 51 денар за литар.

Малопродажната цена на мазутот М-1 НС се намалува и ќе изнесува 31,8 денари за килограм.

Референтните цени на нафтените деривати на светскиот пазар во споредба со изминатиот седумдневен период бележат зголемување кај бензинот во просек за околу 1,61 отсто, кај дизелот има намалување во просек за околу 0,07 отсто, кај екстра лесното масло намалување во просек за околу 0,05 отсто и кај мазутот намалувањево просек за околу 3,09 отсто.

Курсот на денарот во однос на доларот во изминатиот седумдневен период изнесуваше 55,43 денари и е за 0,033 отсто понизок од курсот на доларот по кој беа формирани цените со претходната пресметка.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Во блок-трансакција продадени акции од „Европа“ за 50.000 евра

Никола Осило

Затворот Скопје вработува 16 лица, плата до 46.540 денари

Никола Осило

НЛБ Банка за шест месеци оствари добивка од 1,1 милијарда денари: Раст од 26,2%

Никола Осило