Фокус објави дека непознати лица на 30 септември преку видео повик и пораки му се заканувале по животот на Габриел Бајрам и неговото семејство, претседател на „Сојуз на ромите во Македонија“, доколку неговата партија не се повлече од кампањата за локалните изброри.
Според Фокус овие пораки биле пријавени во полиција, а Бајрам не презел чекори за повлекување од кампањата, па вчера, втори октомври непознато лице фрлило бомба во дворот на неговата семејна куќа.
Непосредно по ова, тој добил и друга порака: “Дали ја доби пораката имаш уште една шанса, ти даваме 48 часа да се повлечете од изборите“.
Според информациите на Фокус направена е само материјална штета, случајот е пријавен во полиција, а од семејството на Бајрам кратко го потврдиле инцидентот.
Фото: Фејсбук/Бајрам