Премиерот Димитар Ковачевски денеска изјави дека бугарската такса за рускиот гас ќе предизвика зголемување на цената на струјата и парното кај нас за 20 проценти.
„Затоа побаравме да се ослободи капацитет за да може Северна Македонија да набавува гас од други извори, што нема да биде руски, и со тоа нема да биде оптоварен со оваа дополнителна такса.
Во моменот се водат разговори и на ниво на Европската Унија и со Бугарија со соодветното министерство, за ова да може да биде направено.
Минатата година успеавме заедно со Европската комисија и Бугарија да ослободиме капацитет за набавка на гас, што не е исклучиво во сопственост на „Гаспром“, и се надевам дека и годинава ќе успееме да го направиме тоа,“ одговори Ковачевски на новинарско прашање.
Тој го повтори ставот на Владата дека оваа такса е неправедно наметната, и нема ништо заедничко со пазарните принципи и со директивите на Европската Унија.
ПОВРЗАНИ ВЕСТИ
Фото: Влада