Бугарскиот претседател Радев за спорот со Македонија: Бугарија треба категорично да ги брани своите права

Претседателот на Бугарија, Румен Радев денеска порача дека Македонија треба да влезе во ЕУ, но без говор на омраза и признавање на историската вистина.

„Нашите браќа од Република Северна Македонија треба да станат членови на ЕУ, но тоа мора да биде со искоренување на антибугарската реторика, говорот на омраза и објективното признавање на историската вистина, што мора да стане неповратен процес и тука Бугарија треба категорично да ги брани своите права“, пренесува БГНЕС.

Радев потсети и дека една година по потпишувањето на Договорот за добрососедство барал да се потпише анекс, бидејќи немало напредок и дека свикал и состанок.

„Пред една година, свикав итен состанок со владини претставници на кој инсистирав да има национална рамковна позиција која јасно ќе ги утврди нашите услови и црвени линии. Продолжувам да се залагам за тоа“, изјави Радев.

ПОВРЗАНИ ВЕСТИ

Следи ново вето за Македонија, ЕУ била „фрустрирана“ поради бугарската блокада која ја кочи и Албанија

Бугарските медиуми да не преведуваат од македонски јазик, оти тој е регионална форма на бугарскиот, бара партијата на Каракачанов

Фото: Влада