Од ВМРО-БНД, партијата на бугарскиот вицепремиер и министер за одбрана, Красимир Каракачанов, до тамошниот Совет за електронски медиуми со писмо побарале бугарските медиуми да престанат да ги преведуваат изјавите на македонските политичари на бугарски јазик.
Интервјуата на „луѓето од Северна Македонија“ не треба да се преведуваат на бугарски јазик, се вели во писмото на ВМРО-БНД, прененсува “24 часа“.
„Бугарската наука недвосмислено го дефинира таканаречениот ‘македонски’ јазик како регионална форма на бугарскиот јазик. Тоа е позиција и на Институтот за бугарски јазик при Бугарската академија на науки (БАН).
Освен тоа, официјалната политичка позиција на Бугарија во текот на целото независно постоење на Северна Македонија, потврдена и од Договорот за пријателство, добрососедство и соработка од 2017 година, е непризнавање на таканаречениот ‘македонски’ јазик“, стои во писмото.
Фото: Фејсбук/Каракачанов