Надоместокот којшто им се исплатува на тројцата членови на Управниот одбор се утврдува со менаџерскиот договор. Во минатата година, на членовите на Управниот одбор е исплатен надоместок во висина од 9 милиони денари и истиот претставува фиксен дел од надоместокот, соопшти Централна кооперативна банка во годишниот извештај за работењето објавен преку Македонската берза.
„Согласно политиката за наградување на вработени во банката како и останатите правилници и интерни акти кои ја регулираат оваа област, на 22 вработени лица кои имаат посебни права и одговорности (раководен кадар), банката им исплати 31,9 милиони денари (518.000 евра), од кои 30,8 милиони денари претставуваат фиксен, а 1,1 милион денари претставуваат варијабилен дел.
На останатите 260 вработени во Банката, исплатени се вкупно 113,5 милиони денари за бруто-плати, плата од деловна успешност, регрес за годишен одмор и останати надоместоци од кои 109,8 милиони денари претставуваат фиксен и 3,7 милиони денари претставуваат варијабилен надоместок“, информираат од банката.
ПОВРЗАНИ ВЕСТИ
Централна кооперативна банка оствари добивка од 10,9 милиони денари