еМагазин
Image default
Македонија

Вербално нападнат медицинскиот персонал на Градската болница „8 Септември“ поради починат пациент

Членови на семејство на починат пациент синоќа во Градската општа болница „8 Септември“ се расправале со обезбедувањето, дежурната докторка и останатиот медицински персонал во таа јавна здравствена установа, изјави директорот на оваа јавна здравствена установа, Христијан Костов.

„Станува збор за 67-годишен пациент примен е вчера околу 14 часот во Ургентен центар во тешка состојба. Пациентот беше сместен на Одделот за интензивна нега со срцева слабост, опериран, со хронична бубрежна слабост… И покрај тоа што бил во тешка состојба дадени се сите можни терапии. Направена е дијагностика и хемодијализа, меѓутоа вечерта околу 23 часот пациентот почина“, рече д-р Костов.

Појасни дека семејството околу полноќ било информирано дека пациентот е починат, по што почнала расправија.

„Членовите на семејството прво се расправале со луѓето од обезбедувањето, немало физичка пресметка по што обезбедувањето ги испратило до Одделот за интензивна нега и во исто време повикале и полиција. Имале расправија со медицинскиот персонал, со докторката, со друг персонал. Полицијата дошла веднаш и ситуацијата се смирила. Членовите на семејството денеска во утринските часови го земале телото на починатиот“, истакна д-р Костов.

Посочи дека денеска вработените во болницата не протестирале пред неговата канцеларија.

„Имаше некаква дезинформација дека имало некаков протест изутрината, наводно дошле вработените тука кај мене, ама тоа не е точно. Јас ги повикав тие што беа дежурни да разговараме и да ми кажат што се случило за да имам конкретна слика. Немаше никаков протест на вработените“, рече д-р Костов.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

„Сите членови да доаѓаат пред Собрание“, „Сега е моментот” – смс пораки на судењето за насилството во Собрание

Редакција

И Амди Бајрам влегува во трката за претседател на државата

Редакција

Голема Богородица – 28 август, неработен ден за граѓаните од православна вероисповед

Никола Осило