Дел од матичните лекари кои се на прва линија на фронтот во борба со ковид-пандемијата, се уште се без плата, бидејќи Фондот за здравствено осигурување (ФЗО) се уште не префрлил пари за капитација, дознава „еМагазин“.
„Исплатата на капитацијата доцни заради измената на Правилникот за плаќање во ПЗЗ во делот на остварување на целите.
За надминување на препишана антибиотска терапија, нема да се крати од варијабилниот дел и затоа ни беше потребен период на адаптација на контролниот систем,“ велат од Фондот за здравствено осигурување за „еМагазин“.
Од таму додаваат дека најголемиот број на матични лекари веќе ја добиче капитацијата за месец јануари.
„Останати се за дополнителна контрола околу педесет ПЗУ, кои до крајот на неделата ќе ја добијат капитацијата,“ додаваат од ФЗО.