Битката со коронавирусот на штипското Инфективно одделение ја изгубија двајца пациенти на возраст од 52 и 56 години од виничкото село Истибања и Штип.
Портпаролот на Клиничка болница-Штип, Марина Шуманска информира дека и денеска во ковид – центарот имаат само два слободни кревети.
Капацитетот е исполнет на Инфективното, а тие пациенти кои се во подобара здравствена состојба се префлаат на Кожното одделение, со цел да се ослободат кревети за пациентите, кои се во тешка здравствена состојба. Триесет и четири пациенти се на постојана кислородна поддршка, а во овој центар се лекуваат 66.
Директорот на Клиничка болница-Штип, Ален Ѓеорѓијев апелира граѓаните да ги почитуваат мерките и додаде дека во ковид – центарот се хоспитализирани и помлади пациенти.
ПОВРЗАНИ ВЕСТИ
Штипскиот ковид – центар се пополни за само три дена
МИА