Кадарот на ДУИ, Крешник Бектеши е старо-новиот министер за економија.
еМагазин во серијал ќе Ви ги престави членовите на новата влада.
Каково образование има
Роден е 1985 година во Кичево.
Во 2008 година дипломирал на Колеџот за менаџмент со развој за применети науки и технологијa (менаџмент и бизнис администрација) на Институтот за технологија во Рочестер, а во 2009 година се стекнува титулата Магистер по менаџмент и стратегија (логистика и управување со снабдувачки синџири) на Универзитетот Шефилд во Солун, стои во неговата биографија.
Зборува англиски и турски јазик.
Работно искуство
Бил економски промотор на Македонија во Белгија и Швајцарија.
Од 2011 до 2016 година работел како раководител на Меѓународната канцеларија на Агенцијата за странски директни инвестиции и промоција на извозот на Македонија во Брисел (Белгија), на промовирање на бизнис климата на Македонија и на привлекување на странски директни инвестиции од Белгија.
Во рамките на работната позиција учествува и во помагање на компаниите од Белгија и Македонија во остварување на заедничка деловна соработка, како и во истражување на пазарот на Белгија, и организирање на B2B и B2G состаноци, бизнис форуми, семинари.
Од 1 јули 2016 до 31 декември истата година, како раководител на Меѓународната канцеларија на Агенцијата за странски директни инвестиции и промоција на извозот на Македонија, работи како промотор на бизнисот на Македонија во Берн, Швајцарија, и е задолжен за соработката со Стопанската комора на Швајцарија.
ПОВРЗАНИ ВЕСТИ
Кој е Благој Бочварски, новиот министер за транспорт и врски
Несудениот новинар: Кој е Артан Груби, „првиот вицепремиер“ и министер за политички систем
Која е Јагода Шахпаска која доаѓа на местото на Мила Царовска
Фото: Влада