Елена Павлевска, докторка на Клиниката за ендокринологија, дијабетес и метаболички нарушувања на својот Фејсбук-профил упати емотивна порака околу состојбата со Ковид-19 и апел граѓаните да се придржуваат кон мерките за заштита и да се вакцинираат.
„Обично не пишувам статуси, но осеќам морална и професионална одговорност да се обратам иако е нешто по полноќ, и додека пишувам плачам како мало дете.
Сакам најпластично да ви објаснам каква е работата на медицинскиот персонал во ковид центри овој период – СЕ МОЛИМЕ НА СИТЕ БОГОВИ ДА НЕ ПОЧИНАТ ПАЦИЕНТИТЕ!
Сѐ правиме, даваме и повеќе од себе…едноставно вирусот е вон секаква контрола и не бира возраст.
Седете дома, носете маски и гледајте некако да се вакцинирате. Сите сме ризична категорија.
Вие гледате само бројки на социјалните мрежи, ние ги гледаме лицата и расплаканите фамилии на тие бројки.
И нема доволно силен човек за да се носи со сето тоа.
Кога лекарите молат за помош, треба да ја сфатите работата сериозно…, а молиме предолго веќе“, напиша Павлеска.