Фабрика Карпош АД Скопје за период од јануари-јуни 2021 година оствари позитивен финансиски резултат прикажан во поединечниот неревидиран Биланс на успех, информираат од фабриката преку Македонската берза.
“Приходите од продажба во најголем дел се приходи кои произлегуваат од продажба на производи (реализација) на големо на домашен пазар, приходи по времени ситуации, приходи од продажба на станови, во вкупен износ од 202.527 илјади денари.
Остварената нето добивка по оданочувањето за периодот 01.01-30.06 2021 година изнесува 1.152 илјади денари.
Со оглед на недовршеното производство или производството во тек кое произлегува од станбен комплес Александрија (проект за изградба на станови кои ги гради Фабрика Карпош) со издавање на фактури на купувачите на станови по продажни цени, залихата ќе се валоризира и ќе го зголеми приходот на компанијата.
Во период 01.01-30.06 во 2021 година вкупните расходи во најголем дел се однесуваат на трошоци на продадени производи и услуги и истите изнесуваат 161.337 илјади денари.
Финансиските расходи по основ на камати се во износ од 3.016 илјади денари во извештајниот период“, велат од фабриката.
ПОВРЗАНИ ВЕСТИ
Намалена добивката на Фабрика Карпош во првите три месеци од годинава
Фабрика Карпош лани работела со добивка