„Фашизмот ни се повампирува на голема врата, а никој не е надлежен“, проф. Дескоски за отварањето на клубот „Ванчо Михајлов“ во Битола

Професорот по меѓународно право, Тони Дескоски остро реагираше за отварањето на клубот „Ванчо Михајлов“ во Битола.

„Кој парадокс,

Дури и самиот Михајлов во 1944 се откажал од идејата да воспостави квислиншка фашистичка творба во Македонија, свесен за големиот народен отпор кон фашизмот и веќе извесниот пораз на Хитлеровата коалиција.

Да му се прави клуб на Хитлеровиот квислинг е обична спрдачина со НОБ и со антифашистичките традиции на македонскиот народ.

И ругање со слободарска Битола.

Очигледно нашите државни органи не си ја вршат работата.

И да сме на јасно, ова не е проблем само на бугарскиот премиер (иако тој би морал да е свесен дека Михајлов е Хитлеров и Павелиќев квислинг и да одбие да учествува во ваква ујдурма), туку е проблем на нашата држава.

Фашизмот ни се повампирува на голема врата, а никој не е надлежен.

п.с. Очекувам следниот клуб на оваа дружина да го носи името на Мане Мачков„ напиша тој.

ПОВРЗАНИ ВЕСТИ

(Фото) „Ве описменивме“: Бугарската делегација во Битола пречекана со протести

Добрососедство не се гради со оживување на едно мрачно минато, вели за отворањето на клубот “Ванчо Михајлов“ градоначалникот на Битола

Фото: Фејсбук/Дескоски