Министерот за здравство, Венко Филипче на денешната прес-конференција соопшти дека завршила посетата на стручната комисија на приватните лаборатории и дека тие ќе се вклучат во тестирањето и анализите за корона вирусот врз база на договори што ќе ги потпишат со Фондот за здравствено осигурување.
„Со нивно вклучување капацитетот значајно ќе се зголеми. Имаме на располагање сосема доволен број на тестови. Освен со оние што веќе располагаме, 20.000 тестови донација се на пат од странство и 5.000 тестови донација од приватна лабораторија во земјава, која ќе се вклучи во системот на изработка на брисевите и анализите на пунктовите низ државата“, рече Филипче.
ПОВРЗАНИ ВЕСТИ
(Фото) Кај инфективната клиника во Скопје „никна“ монтажната болница
Прв случај на заболен со коронавирусот во Крива Паланка, како изгледа мапата по градови
Филипче: Пред нас е најтешкиот период во кој се очекува бројот на починати и заболени да расте
Седма жртва од корона вирусот: Почина 79-годишен пациент од Дебар
Фото: Влада