Од Државна лотарија информираат дека Доста Андоноска е добитничката на најновата 7-ка на Лото 7, којашто беше постигната во 95 коло, со вредност од 32. 921.304 денари, комбинација уплатена во продажното место „Детелинка“ – Кичево.
Андоноска е од Кичево, а која блиските и пријателите ја нарекуваат Доли е прекрасна енергична жена, стечаен работник од „Кичево Пром“, денес пензионерка, сопруга, мајка и баба.
-Нашата добитничка дојде во просториите на Државна лотарија со електронската потврда од уплатата на нејзините среќни броеви. Добивката е потврдена, Доста е нашата 27-ма лото милионерка.
Потоа е остварена средба и со генералниот директор на Државна лотарија во срдечен разговор, при што дознавме дека таа игра повеќе од 45 години, и неуморно верува во среќата. Последните години ги игра истите 4 комбинации, а еднинствено ја менува 5-тата, токму таа којашто ѝ ја донесе 7-ката, информираат од Државна лотарија на својата Фејсбук страна.
Од таму најавуваат повеќе информации во следниот период, а засега споделуваат дека таа најмногу се гордее со своето семејство и се радува што сега нејзината верба во среќата ќе им помогне во остварување на желбите и плановите во понатамошниот живот.
На сите им порачува дека за да добиете, мора да сте полни со верба во среќата и со чувство дека ќе добиете. Таа чувствувала дека еден ден ќе добие 7-ка и низ годините учествувала во сите различни видови лото игри.
-Ете, нејзината верба се обистини токму со Лото 7 на Државна лотарија. Возбудени и среќни, честитаме на нашиот нов член во семејството на лото милионерите, велат од Државна лотарија.
ПОВРЗАНИ ВЕСТИ
Среќник на Лото доби 7-ка, вредна над 500.000 евра