Министерството за одбрана информира дека во текот на денешниот ден лицата сместени во Центарот за обука во Пепелиште – Криволак, ќе бидат преместени на нова локација.
„Како што известивме вчера, Центарот за обука во Пепелиште е само привремен простор каде треба да се извршат епидемиолошките прегледи согласно медицинскиот протокол. Тимот на Министерството за здравство утрово ќе ги заврши прегледите по што веднаш лицата ќе бидат преместени во реновираниот Завод во Демир Капија,“ информираат од Министерство за одбрана.
Во медиумите се појавија информации за нехуманите услови во касарната, каде што нема основни услови за престој.
Лицата беа префрлени од Деве Баир, бидејќи доаѓаа од земји со висок ризик, откако претходно беа заглавени на унгарско-словенечката граница.
ПОВРЗАНИ ВЕСТИ
200 патници ќе бидат во групен карантин во касарната Пепелиште, доаѓаат од ризичните подрачја
Лекарите се нашите херои и мора да бидат соодветно заштитени против коронавирусот
Фото: МО