(Фото) По „карањето“ на Филипче: Пандов и членовите на ОК Ресен го послушаа министерот и ставија маски во затворена просторија

Александар Пандов, кој е избран за прв човек на Партискиот институт на ВМРО-ДПМНЕ, беше во посета на Опшинскиот комитет (ОК) Ресен. Но, она што остава впечаток е што Пандов и сите членови на ОК Ресен го послушаа министерот за здравство, Венко Филипче и во затворена просторија ставија маски, што е една од мерките за заштита од вирусот.

Фотографиите објавени на фејсбук-страницата на ВМРО-ДПМНЕ ОК Ресен, следуваат откако Филипче вчера на Твитер реагираше дека членовите на ВМРО-ДПММНЕ бараат одговорност од власта за корона вирусот, а од друга страна тие не ги почитуваат мерките, бидејќи на фотографија од состанок на партијата во затворена просторија на која беше и Пандов, речиси никој не носеше маски.

ПОВРЗАНИ ВЕСТИ

Филипче на Твитер го „искара“ членството на ВМРО-ДПМНЕ за непочитување мерки: Состанок за барање одговорност на власта за коронавирусот

Фото: ВМРО-ДПМНЕ/Фејсбук/Пандов