Во Хрватска официјално во функција е пуштен Пељешки мост, па граѓаните од југот, во близината на Дубровник нема да мора да поминуваат граница за да влезат во сопствената држава.
Грандиозен и убав по својот изглед, долг е 2.404 метри и широк 20 метри, а се градеше четири години. Мостот се состои од 13 делови, 6 армирано-бетонски столбови од 33 метри и 4 ленти.
Проценетата вредност на проектот е 420 милиони евра, од кои ЕУ кофинансирала 330 милиони евра или 78,5 отсто.
Во проектот учествувале 18 проектантски и консултантски компании, 45 градежни компании од ЕУ, 112 глобални добавувачи на опрема и материјали, а изграден е од Кинези. Според пишувањата на хрватските медиуми, ниту коронавирусот не ја успорила изградбата, а Кинезите се покажале максимално професионални.
Пељешки мост е најголем хрватски инфраструктурен проект финансиран од ЕУ-фондови а на тој проект кој траел една деценија работеле неколку влади.
Синоќа беше неговото свечено отворање, а прв мостот го помина автомобилот „невера“ на Мате Римац.
Видео: Total Croatia News/ Фото: Фејсбук/Пленковиќ