(Фото) За прв пат во историјата на македонското здравство направена експлантација на коски и коскени ткива од починат донор

На Клиниката за ортопедски болести рано утрово за прв пат во историјата на македонското здравство беше направена експлантација на коски и коскени ткива од починат донор, информираат од Министерството за здравство.

ПОВРЗАНИ ВЕСТИ

(Фото) Сакаме да спасиме животи, така ќе живее и мојата сестра, порача братот на девојката-донатор на која и се поклонува Македонија

“Откако заврши експлантацијата на срцето и бубрезите, тимот лекари од клиниката експлантираше повеќе делови од коски и меки ткива кои сега веќе се презервирани во Отсекот за експлантација, презервација, складирање и трансплантација на меки и коскени ткива при ЈЗУ ЗА ТОАРИЛУЦ, Универзитетска Клиника за ортопедски болести.

Веќе наредната недела е планирана апликација на еден сегмент од коска кај пациент со метастаза од карцином на бубрег, отстранет пред 12 години.

Листата на реципиенти на коски и меки ткива се пациенти коишто страдаат од коскен или мекоткивен дефект настанати како последица од тумор, траума, претходен оперативен зафат, вродени аномалии, и е исклучиво динамична и се надополнува од ден во ден.

Ткивата од еден донатор може да го подобрат животот на над 70 други личности, а на некои од нив и да го спасат“, велат од Министерството.

ПОВРЗАНИ ВЕСТИ

Досега спаси 3 животи: Бубрег од 21-годишната девојка-донор успешно трансплантиран кај 27-годишно пациент

Девојката-донор со бубрезите ќе спаси и пациенти кои со години се на дијализа и десетина пациенти кои боледуваат од карцином

(Фото) Докторите и се поклонија на девојката чие семејство одлучи да ги донира нејзините органи

(Галерија) Успешна трансплантација на срце кај 22-годишно момче, донирано од девојка која почина како последица од сообраќајка

Фото: МЗ