Поради измените на Крвичниот законик (КЗ) застре уште еден предмет на поранешното Специјално јавно обвинителство, „Траекторија“, кој се однесува на постапката за избор на компанија за изградба на автопатите Миладиновци – Штип и Кичево – Охрид.
На денешното судење Лиле Стефанова, која го води предметот, побара повлекување на обвинението против поранешниот премиер Никола Груевски, кој е во бегство, поради настапување апсолутна застареност, а за другите тројца обвинети побара запирање на постапката поради измените на КЗ.
По предлогот на Јавното обвинителство и поради измените на Кривичниот законик, Судот донесе решение да се запре кривичната постапка против обвинетите – поранешниот вицепремиер за економски прашања, Владимир Пешевски, поранешниот министер за транспорт и врски, Миле Јанакиески и поранешниот директор на Агенцијата за патишта, Љупчо Георгиевски за злоупотреба на службена положба и овластување, како и обвинителниот предлог против Груевски за кривично дело примање награда за противзаконито влијание.
Трошоците за постапката паѓаат на товар на граѓаните.
Тие беа обвинети дека го оштетиле буџетот за 155 милиони евра.
Судењето за овој предмет почна во 2018 година и не стигна до првостепена пресуда.
ПОВРЗАНИ ВЕСТИ
Застаре и предметот за Ивона Талевска и Љупчо Димовски, „Продуцент“
Фото: Унсплеш