еМагазин
Image default
Да помогнеме

Хуманитарен концерт на популарните 2Бона и Мили за Јана Арсовска

Утре во A1 арената (СЦ Борис Трајковски) ќе се одржи концерт на македонските мегаѕвезди 2Бона и популарниот Мили од соседна Србија, кој ќе има и хуманитарен карактер – односно, организаторите од К1 продукција заедно со 2Бона и Мили одлучија дел од собраните средства на концертот да се донираат на сметката за помагање на лекувањето на Јана Арсовска од Охрид.

Јана боледува од премногу редок тип на канцер и по двете трансплатации на коскена срцевина и беше предложено итно лекување со имунотерапија. Ова барање беше одбиено од Фондот за здравство, а пресудата од Управниот суд ФЗО повторно да го разгледа случајот беше обжалена од фондот со што на Јана и се одмога, наместо да и се помогне од институциите.

Со месеци се чека одлуката од вишиот управен суд на Република Македонија, а Јана во меѓувреме е во клиника во Солун, бидеќи после 10 месеци без никаков третман и терапија мораше да започне со големата битка за консолидирање на нејзината здравствена состојба.

После неколку месеци од почетокот на акцијата беа собрани околу половина од средствата, поради што ги замолуваме сите хумани луѓе истата да продолжи и да и овозможиме на Јана се што е можно и најдобрата можна опција во битката против опасната по живот премногу ретка болест.

Таа е многу храбра и одлучна да продолжи да живее, но имајќи предвид дека институциите потфрлија, повеќе од потребна и е помошта и дадената надеж од сите хумани луѓе.

 

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

(Видео) Семејството продаде се што имаше, на ред сме ние: Да спасиме мајка на две деца

Редакција

Дедо изгубил внук, детето е во Полициска станица во Прилеп се бараат родителите

Редакција

Утре во Зоолошка: Хуманитарен базар за бездомните крзнени пријатели

Никола Осило