Македонската алпинистка и планинарка Илина Арсова ја заврши нејзината мисија „7 врвови“.
Со искачувањето на врвот Винсон 4.892 метри надморска височина на Антартикот таа стана првата жена во Македонија и една од 60 во светот кои ги искачиле највисоките врвови на сите континенти (по Меснерова листа), како врвен успех во планинарските спортови.
„Незаборавно искуство и прекрасно чувство! Огромна благодарност до Агенција за млади и спорт и Федерација за планинарски спортови, како и сите останати поддржувачи, спонзори и пријатели кои веруваа и беа со мене.
Нека ова биде поттик за сите вас да верувате во невозможното и да сонувате бидејќи со многу воља, упорност и труд, порано или подоцна соништата се остваруваат,“ напиша Арсова на нејзиниот фејсбук-профил по овој огромен успех.
Честитки за Илина!!!
Фото: Фејсбук/Арсова