Ризикот, вакцинираните после три недели од примена на прва доза вакцина против Ковид-19 да завршат во болница е помал за 50 проценти, за разлика од оние кои не се вакцинирани.
Можноста да добијат пневмонија е до 15 пати помала кај вакцинираните во однос на оние кои ќе се разболат, а не добиле ниту една вакцина. Во болница не е примен ниту еден пациент кој ја примил вакцината на „Фајзер“ или „АстраЗенека“.
Ова се првите прелиминарни резултати од истражувањето кое се уште се спроведува во Србија, а го објавува српски „Блиц“.
Во студијата се анализира дали и колку од вакцинираните граѓани се разболуваат во однос на невакцинираните.
Во истражувањето се опфатени разболувањето и клиничката слика на вакцинираните и невакцинираните, зачестеноста на пневмонија и колку од заболените завршиле во болница. Со други зборови, Србите испитуваат како вакцинацијата, но и секоја вакцина посебно си го одработила своето.
Истражувањето било спроведено во Здравствениот дом во Крагуевац, во период од 1 јануари до 31 март, и во него биле вклучени 28.360 вакцинирани и преку 100.000 невакцинирани.
Колку заболеле?
Според првите резултати, од невакцинираните заболеле 8,11 отсто, а од вакцинираните 2,03 отсто. Бројката се намалува со ревакцинацијата на 1,17 отсто, а три недели по ревакцинација на 0,57 отсто. Ефикасноста три недели по ревакцинацијата е 92 отсто.
Колку добиле пневмонија?
Од 8.272 заболени кои не се вакцинирале (8,11 отсто) пневмонија добиле 1,57 отсто, а во болница завршиле 1,23 отсто. Воспаление на белите дробови помеѓу вакцинираните имале 0,56 отсто, ревакцинираните 0,25 отсто и три недели по ревакцинација 0,11 отсто.
Имено, три пати е помала веројатноста да се добие пневмонија само со една доза, шест пати со ревакцина, а три недели по ревакцина за 15 пати помала отколку кај невакцинираните.
Колку завршиле во болница?
Од бројот на заболени а кои не се вакцинирани, 1,23 отсто завршиле во болница. Од оние кои биле вакцинирани, во болница завршиле 0,16 отсто, ревакцинираните 0,06, а три недели по ревакцината бројката е намалена на 0,02 отсто. Или попрецзино од 28.630 вакцинирани, во болница завршиле шест граѓани кои се разболеле три недели по ревакцина.
Според раководителот на истражувањето, професор на Медицинскиот факултет и специјалист по микробиологија Дејан Баскиќ, по првите резултати нема сомнеж дали треба граѓаните треба да се вакцинираат или не.
„Вакцината го намалува бројот на заболени, тешка клиничка слика и број на хоспитализирани. Дали некој се разболел? Да. Но, треба да се земе предвид каква е неговата клиничка слика.
Не ги анализираме само бројот на оние кои се разболеле, туку и колку пациенти завршиле во болница, а тој податок сведочи за лесната клиничка слика на вакцинираните. Што значи, не треба да се избегнува, туку треба да се вакцинира,“ вели Баскиќ.
ПОВРЗАНИ ВЕСТИ
Блиц.рс/Фото: Photo by Steven Cornfield on Unsplash